ایران آن بروک نیاڑی کورونا وائرس غان زوال کرے، کے پی حکومت
پشاور( آن لائن ) وزیراعلیٰ خیبرپختونخوا نا سلاہکار حوالکاری اجمل وزیر پارینے کہ خیبر پختونخوا ٹی کورونا وائرس آن کہوک آتا کچ 3 مسنے۔ ایران آن بروک ءُ اسہ نیاڑی اس کورونا وائرس نا سوب آن تپاخت کرے۔ تدوک آ دے اجمل وزیر پشاور اٹ پریس کانفرنس کرسا پارینے کہ خیبر پختونخوا ٹی کورونا وائرس آن کہوک آتا کچ مسٹ مسنے او ایران آن بروک ءُ اسہ نیاڑی اسے کورونا وائرس آن تپاخت کرینے، مچ آ صوبہ ٹی وائرس نا کیس آک 31 و شکبر آتا کچ 179 ءِ۔ او پارینے کہ کورونا وائرس نا تالانی کن 24 مارچ اسکان لاک ڈاو ¿ن نا فیصلہ کننگانے۔ وخت اس کہ 7 دے اکن پبلک ٹرانسپورٹ آ رکھ خلکنے۔ او ریسٹورنٹ آتتون اوار دکان تے ہم بند کننگ نا فیصلہ کننگانے۔ ولے پٹرول پمپ، دارو و کُن خور نا گڑا بہا کروک آ گڑاک ہم یلہ مریرہ۔ مال بردار گاڈی تےا ہم رکھ خلنگانے۔ اجمل وزیر پارینے کہ علمائے اکرام تتون حال احوالی اُن۔ وخت اس کہ اُلس آن حکومت تون کمک کننگ نا خواست ئِ۔ اُلس اجتماع تیٹی ہننگ آن تینے بچفے۔ راجی رابطہ غاتے کچ اٹی کننگے۔ اُلس کمک کیک تو دا جنگ اٹ سرسہب مرینہ، طبی کمامدار آک ودکی کن 13 سد ڈاکٹر بھرتی کننگ انگ ئِ۔