بیست ءُ سے مارچ برصغیر نا مسلمان تے کن تاریخ نا عظیم ءُ دے اسے ،وزیر اعلیٰ بلوچستان

کوئٹہ (خ ن) وزیراعلیٰ بلوچستان جام کمال خان پارینے کہ 23 مارچ 1940ءبرصغیر نا تاریخ نا اسہ ہندن ءُ عظیم ءُ دے اسے کہ ہراڑا غٹ پاکستانیک گمر کیرہ‘ ہند ادے آ قرارداد پاکستان پیش کننگا ہراکہ ہند انا مسلمان تا پاکستان جوڑ کننگ ناکنڈآ جہد انا مزل نا نشان جوڑ مس۔ دا خیال آتادرشانی ءِ او یوم پاکستان نا وخت آ تینا جاری کروک کلہو اٹ کرے۔ وزیراعلیٰ پارے کہ اینو نا دے تدبر قائد و فکر اقبال نا اسیجائی درشانی ءِ دا اسہ ہندن ءُ روشناءُ دے اسے ہرادے آ ہند انا مسلمانک تینا منزل ءِ پک کیر و بانی پاکستان قائداعظم محمدعلی جناح نا فہم و فراست، یقین محکم، سیاسی تدبر و عملی جہد انا پورو مخ تفی ءِ کریر ہرا مسلمان تے اقلیت آخا بلکہ اسہ جتاءُ قوم اس گوندا ہرانا تینا جتاءُ شناخت اسے ہرا دن ءُ اسہ آئین اسے امنا کپک ہرا ہند انا مسلمان تا حق آتیان چَپ مرے۔ داناعملی نمونہ 1945 نا گچین کاریک ءُ ہرافتے ٹی مسلمانک پیدوار سیاسی گیشتری دوئی کریر۔