اے پی سی، مولانا فضل الرحمن نا اسمبلی تیان استیفہ تننگ نا سلاہ

اسلام آباد (آن لائن) جمعیت علماء اسلام (ف) نا کماش مولانا فضل الرحمن اے پی سی ٹی اسمبلی تیان استیفہ و سندھ اسمبلی ءِ تحلیل کننگ نا سلاہ ترسا پارینے کہ ننے اینو فیصلہ کروئی مریک کہ نن اسمبلی تیان استیفہ ایتنہ۔ وزیراعظم تون اوار اسمبلیک جعلی و کنا خڑک آ سینیٹ چیئرمین ہم جعلی ءِ، نن سخت ءُ کنڈ اسے آ ہنوئی ءِ۔ مولانا فضل الرحمن پی پی پی آن برانز کرسا پارے کہ کنا بیان ءِ تو میڈیا نشان تفک اے پی سی ہم تورے تے۔ تدوک آ دے اسلام آباد اٹ اڈ ہلوک آل پارٹیز کانفرنس آن تران کرسا مولانا فضل الرحمن نا پاننگ ئس کہ اینو پارلیمینٹ اٹ کانود سازی مننگ اٹی ءِ مگہ دا توفک نا زور آ مننگ اٹی افس؟ اگہ اسلام توفک نا زور آ ناروا ءِ تو کانود توفک نا زور آ امر روا؟