بلوچستان نا بروک آ سال اکن 612 ارب روپئی نا ٹیکس فری بجٹ پیش

0

Get real time updates directly on you device, subscribe now.

کوئٹہ :  بلوچستان نا بروک آ مالی سال 2022-23ء نا 612 ارب 79 کروڑ روپئی نا خراج فری بجٹ ءِ پیش کننگا، کل آمدن 528 ارب وخت اس کہ بجٹ نسخان 72.8 ارب روپئی ظاہر کننگانے، سرکاری ملازم آتا تنخواہ و پنشن اٹی 15 درسد ودکی وخت اس کہ ایڈ ہاک الاؤنس آتے بنجائی حکومت نا وڑآ ضم کننگا۔ شونداری بجٹ نا رد اٹ 191 ارب 51 کروڑ روپئی وخت اس کہ غیر شونداری بجٹ نا مد اٹی 67 ارب روپئی جتا کننگانے، 3 ہزار 367 برجا شونداری اسکیم تیکن 133 ارب روپئی وخت اس کہ 3 ہزار 470 پوسکن آ شونداری اسکیم تیکن 59 ارب روپئی جتا کننگانے، روزگار نا وارخواہی تا فراوانی کن چندی محکمہ غاتیٹی 2 ہزار 852 پوسکن ءُ آسامی ودی کننگا۔ سے شنبے نادے آ بلوچستان اسمبلی نا دیوان 3 گھنٹہ 15 منٹ انا تاخیر اٹ ڈپٹی اسپیکر سردار بابر موسیٰ خیل نا کماشی ٹی بناکرے، دیوان اٹی بجٹ تقریر نا بناءِ کرسا صوبائی وزیر خزانہ سردار عبدالرحمان کھیتران بلوچستان نا سال 2022-13ء کن 612 روپئی نا بجٹ اسمبلی ٹی پیش کرے۔ بجٹ پیش کرسا اونا پاننگ ئس کہ مالی مشکل آتیان پد ہم صوبائی حکومت بروک آ مالی سال اکن اسہ متوازن ءُ بجٹ اس جوڑ کرینے و غٹ بشخ آتیکن اوفتا گرج آتا رداٹ فنڈ جتا کرینے۔ بجٹ 2022-23اٹی حکومت نا گام گیج آتیٹی صوبہ نا مر مر انگا و پدسلوک علاقہ غاتیٹی اسہ وڑ بنداوی انفراسٹرکچر نا گچینی، ہلہلہ ئی حالیت آتیٹی پیشگی گام گیج کننگ و جدت آ مبنی اصلاحات درستی راستی کرفنگ، سوشل سیکٹر ءِ مربوط کننگ، صوبہ نا تینا پیدواری بشخ آتیان پین بہرہ مند مننگ، راجی رکھ اکن گام گیج آتے ودفنگ تون اوار روزگار نا پوسکن ءُ وارخواہی ودی کننگ و امن و ایمنی نا پورو بحالی اوار ءِ۔ غرض داکہ راج انا اسہ ہم ہندن ءُ تپہ اس اف کہ ہرانا راجی آسراتی کن گام گیج کننگپ۔ دا گام گیج آتیٹی سرکاری ملازم، زالبول، پنشنر، ورنا، ماہی گیر، مزور آتون اوار ہر زند انا بشخ اتون گنڈوک بندغ آک اوار ءُ۔ اوپارے کہ اینخو مالی سال 2021-22نا کل بجٹ نا غیر شونداری کساس 347 ارب روپئی ئس۔ نظرثانی مروک بجٹ سال 2021-22نا کساس 332 ارب روپئی مسنے۔ اینخو مالی سال 2021-22نا شونداری خڑچ آتا کساس 172 ارب روپئی ئس ہرا نظرثانی مروک کساس اٹ کم مرسا 93 ارب روپئی مسنے۔ ہراٹی 3367 برجاشونداری اسکیم تیکن 133 ارب روپئی وخت اس کہ 3470 پوسکن آ شونداری اسکیم تیکن 59 ارب روپئی جاری کننگانے۔ بروک آ مالی سال 2022-23نا کل بجٹ کساس۔ 612.7 ارب روپئی ءِ ہراٹی غیر شونداری بجٹ نا کچ 367 ارب روپئی ءِ وخت اس کہ جم صوبائی شونداری بجٹ پی ایس ڈی پی نا کچ 191.5 ارب روپئی ءِ ڈویلپمنٹ گرانٹس (Federal Funded Projectsنا مد اٹی 28.3 ارب روپئی و فارن پروجیکٹ اسسٹنس (FPA)نا مد اٹی 14.6 ارب روپئی صوبائی شونداری پروگرام آن بیدس ءُ۔ برجاشونداری اسکیم تا کل کچ 3367 ہرافتے کن 133 ارب روپئی جتا کننگانے۔ پوسکن آ شونداری اسکیم تا کل کچ 3470 ہرافتے کن 59 ارب روپئی جتا کننگانے۔ مالی سال 2022-23اٹی بلوچستان نا ورناتیکن روزگار نا وارخواہی ودی کننگ کن چندی محکمہ غاتیٹی 2852 آن زیات پوسکن ءُ آسامی ودی کننگانے۔

Get real time updates directly on you device, subscribe now.

Leave A Reply

Your email address will not be published.