ریلوائی وزارت نا کنڈ آن تنخواہ تا پنچ کروڑ روپئی نا چیک وزیر اعظم ءِ تننگا
Get real time updates directly on you device, subscribe now.
اسلام آباد (اے پی پی) بنجائی وزیر ریلوائی شیخ رشید احمد وزیراعظم عمران خان تون اوڑدہی کرے و ریلوائی ملازم آتا کنڈآن اسہ دے انا تنخوا پنچ کروڑ اسہ لکھ 85 ہزار روپئی نا چیک ءِ وزیراعظم کورونا ریلیف فنڈ اکن پیش کرے۔ دوشنبے نادے آ وزیراعظم آفس نا کنڈآن جاری بیان نا رداٹ وزیر ریلوائی پارے کہ پاکستان ریلویز نا کنڈآن چمن کن 30 کوچ آتیا تالان اسہ ٹرین اس گدریفنگانے ہراٹی 500 بندغ آتے کن آئسولیشن نا بست وبند ءِ ہنداوڑ پاکستان ریلوائی تفتان کن ہم 500 بندغ آتے کن ٹرین اس گدریفنگ کن تیار ءِ۔ اوپارے کہ دامسخت کن میڈیکل کوچ آتے خصوصی وڑاٹ تیار کننگانے۔ وزیر ریلوائی راولپنڈی شار اٹی ہسپتال ، پوریاگر و مزور آتا حالیت آتیان ہم وزیراعظم ءِ معلومدار کرے۔