یوٹیلٹی سٹور تیا رمضان ریلیف پیکیج نا بنا، 19 گڑا تیا سبسڈی
Get real time updates directly on you device, subscribe now.
اسلام آباد : یوٹیلیٹی اسٹور تیا رمضان ریلیف پیکیج نا بنا مس ہرانا رد اٹ 19 گڑاتیا سبسڈی تننگ انگ ءِ۔ یوٹیلیٹی اسٹور کمامدار آتا رد اٹ برجا سال رمضان ریلیف پیکیج 5 ارب روپئی نا مریک۔ رمضان ریلیف پیکیج ءِ ٹارگٹڈ و نان ٹارگٹڈ سبسڈی ٹی بشخ وپانٹ کننگانے۔ بی آئی ایس پی تون گنڈوک پاکستانی تے سبسڈائزڈ نرخ آتیا گڑاک رسینگرہ‘ بینظیر اِنکم سپورٹ پروگرام نا کارڈ ہولڈر آتے دَہ کلو نت انا تھیلی 400 روپئی آ رسینگک‘ اسہ کلو بورہ نا 70 روپئی ٹی رسینگک‘ اسہ کلو سی انا پیکٹ300 روپئی آ رسینگک‘ یوٹیلٹی اسٹور کمامدار آتا رد اٹ لس شاری تیکن دَہ کلو نت انا تھیلی 648روپئی آ رسینگک وخت اس کہ سی انا کلو والا پیکٹ 490روپئی ٹی رسینگک‘ ایلو گڑاک بازار آن برنج 20روپئی کلو، کوکنگ آئل 25روپئی۔دال 20روپئی اڑزان رسینگک‘ چا مارکیٹ ریٹ آن 100روپئی کلو اڑزان رسینگک‘ پال/ انا نرخ 30روپئی فی لیٹر بازار آن اڑزان رسینگک‘ بیسن و الار بازار آن پنجا روپئی فی کلو اڑزان رسینگک۔
(آن لائن)