حکومت نا ٹیلی اسکول پاکستان موبائل ایپ انا کمک اٹ ڈیجیٹل تعلیم نا بناءِ کننگ نا فیصلہ
Get real time updates directly on you device, subscribe now.
اسلام آباد: حکومت ٹیلی اسکول پاکستان موبائل ایپ نا کمک اٹ ڈیجیٹل تعلیم نا بناءِ کننگ نا فیصلہ ءِ کرینے ہرانا رداٹ اولیکو وار دُوانزدہ جماعت اسکان نا غٹ مضمون آتا ویڈیو لیکچرز 6 لائیو چینل آتیا دستیاب مریک۔ بنجائی وزارت تعلیم و کسبی تربیت نا حوالی نا رداٹ اولیکو وار پنچ می جماعت اکن چینل نا پن نونہال ٹیلی اسکول، شش آن ہشت جماعت کن ہونہار ٹیلی اسکول، نہہ آن دہ جماعت کن ورناٹیلی اسکول وخت اس کہ اول آن ہشت می جماعت کن زوت ہیل کبو اسکول و یانزدہ می آن دُوانزدہ می جماعت کن ورناٹیلی اسکول و نہہ آن دُوانزدہ جماعت کن ہم زوت ہیل کبو ٹیلی اسکول آ غٹ مضمون تا ویڈیو لیکچر دستیاب مریک۔ دا چرجوئی ٹی ٹیلی اسکول تعلیم اُرا اُرا نا پن اٹ ایپ اس جوڑ کننگانے ہرادے ڈاؤن لوڈ کرسا اکاؤنٹ جوڑ کرسا خواننگ نا بناءِ کننگ مریک۔
(اے پی پی)