عمران خان فتنہ نا کمک اٹ ملکی سلامتی ءِ گہو تخنگ خواہک، رانا ثناء اللہ

فیصل آباد : بنجائی وزیر داخلہ رانا ثناء اللہ خان پارینے کہ عمران خان فتنہ، پھسات، دہشت گردی، کانود نا رٹ ءِ چیلنج و سلہہ بند جتھ آتا کمک اٹ ملکی سلامتی ءِ گہو تخنگ خواہک، مریم نواز اودے ایکسپوز کننگ ءِ و کرسا کیک۔ فتنہ خان میڈیا آ تران اٹی آفیسر آتا پن ءِ ہلسا اوفتے دھڑ ترسا اوفتیا مقدمہ درج کرفنگ و اوفتے زیزاریفنگ نا کوشست کننگ ءِ ہنداسوب آن بڑزکو ادارہ و عدلیہ دانا نوٹس ءِ ہلیر، پولیس انتس کہ کرے عدالتی پرمان نا رداٹ وارنٹ آتا تعمیل کن کرے ولے ہراتم ڈی آئی جی اسلام آباد شہزاد بخاری منہ ملازم آتون فتنہ خان نا ہنکین آ وارنٹ نا تعمیل کن ہناتو اوڑا جلہو کرسا اودے ٹھپی کننگا، اوڑاسم چلیفنگا، اوڑا خلخو کننگا، ہنداوڑ ہراتم پولیس کمامدارآک عدالت آن سرچ وارنٹ ہلسا پٹنگ کن ہنار تو اوفتیا پیٹرول بمب خسنگا، و اوفتیا سم کاری کننگا ولے ہموکان ہرابندغ آتے دزگیر کننگا او دہشت گرد و انتہاپسند ئسر ہرافتیان سلہہ دوئی مس ولے پولیس وارنٹ آن پد ہم اُرا نا تہہ ٹی ہنتو ورنہ ہموکان ہم گڑاس دوئی مسکہ۔

(اے پی پی)