یک سد و ہشتاد و چار ملک کورونا نا برخلاف ویکسین نافذ کننگ نا ڈٹ اٹ اوار
Get real time updates directly on you device, subscribe now.
جنیوا (اے پی پی) جہانی ادارہ جان جوڑی نا ڈائریکٹر جنرل ٹیڈروس ایدہانوم گیبریسس پارینے کہ 184 ملک و علاقہ ڈبلیو ایچ او و اونا شریدار آتا کمک اٹ کورونا نا برخلاف بناکروک ویکسین نا نافذ کننگ نا ڈٹ اٹ اوار مسنو۔ ہنداخاطرآن گمان ءِ کہ زیات آن زیات ملک ساف و گچین وڑاٹ کورونا دین انا ویکسین ءِ دوئی کننگ کیرہ۔ ٹیڈروس ایدہانوم گیبریسس آن لائن پریس کانفرنس اٹی پارے کہ کوویڈ۔ 19 نا برخلاف ویکسین نا نافذ کننگ نا ڈٹ مچ آ دنیا ٹی رکھ و گچی ویکسین نا ساف شریداری نا اسہ گچین ءُ وڑوڈول اسے۔ ویکسین نا گچین و ساف بشخنگ زیات خطرہ غاتا پلویڑ تپہ غاتا رکھ، جہانی نظام جان جوڑی نا سوگوی ءِ برقرار تخنگ و جہانی زرگزرانی بحالی ءِ حقی وڑاٹ مون آ دننگ نا اسہ ترند ءُ وڑاسے۔ ٹیڈروس ایدہانوم گیبریسس پارے کہ قطبی نیمہ کرہ ٹی یخ انا موسم نا بننگ تون اوار اوار کوویڈ۔ 19 نا دین اسہ فریشان کروک ءُ حالیت اسے ٹی مون آ بسنے، و یورپ و قطبی امریکہ ٹی ہڑدے پوسکن آ کیس آک ترندی اٹ ودنگ ءُ داوڑنا حالیت آتیٹی غٹ ملک آتا حکومت آک پبی جامع گام گیج اختیار کیر تانکہ دین انا تالانی نا مون ءِ تورسا انسانی جان تے رکھنگ ءِ پک کننگے۔