کورونا وائرس آن زہمی بندغ آتا کچ مسٹ و نیم کروڑ آن زیات مس

پیرس(آن لائن) مچ آ دنیا ٹی کورونا آن زہمی بندغ آتا کل کچ داسہ 30 ملین آن زیات مسنے، وخت اس کہ دا جہانی دَین انا نتیجہ ٹی مروک آ کل کزیت آک اسہ ملین اسے نا کچ اٹ سر مسنو۔ دا وائرس آن کل آن زیات زہمی ملک امریکہ ءِ ہراڑے دا وائرس آن زہمی بندغ آتا کچ پونے سات ملین نا کچ اٹی ءِ۔ وخت اس کہ دا دین نا سوب آن کہوک آتا کچ ارا لکھ نا کچ اٹی ءِ۔ بھارت داسہ دا مہشون اٹ ارٹمیکو نمبر آٹے، ہراڑے دا وخت اسکان دا وائرس نا سوب آن 53 لکھ آن زیات بندغ زہمی مسنو وخت اس کہ کل کہوک آتا کچ 85 ہزار 619 ءِ۔ خدو دسمبر اٹ چینی شار ووہان اٹ مون آ بروک آ دا وائرس دنیا نا 210 ملک و ڈیہہ تیٹی تالان مسنے۔