امریکہ و پاکستان اٹ چُناتا برمتہ ئی ءِ توننگ نا بابت معاہدہ

اسلام آباد ( آن لائن) امریکہ و پاکستان اٹ چُناتا برمتہ ءِ توننگ نا بابت معاہدہ پک مسنے، ہڑتوم آ ملک آتا چُناتا پٹنگ کن اواری ٹی کاریم کینہ، معاہدہ آ یکم اکتوبر آن عمل درآمد مریک۔ حوال نا رداٹ امریکی محکمہ خارجہ نا کنڈآن جاری بیان اٹ پارینے کہ پاکستان و امریکہ نا نیام اٹ چُناتا تحویل نا مقدمہ غاتا فیصلہ جہانی تسلیم کروک آ کانودی وڑ و ڈول نا رداٹ حل کننگ نا معاہدہ مسنے، معاہدہ غا یکم اکتوبر آن عمل درآمد بنا مریک۔ معاہدہ نا رداٹ ہڑتوم آ ملک آک چناتا رکھ اکن تینا زمواری تے پورو کیک، لمہ باوہ غاتا نیام اٹ چناتا تحویل نا بابت جھیڑہ غاتیان بچفنگ و جہانی مقدمہ غاتے ایسر کننگ معاہدہ غاتے اوار ءِ۔ امریکی محکمہ خارجہ پارینے کہ معاہدہ غان ہڑتوم آ ملک آتا تعلقداری تیٹی پین جوانی بریک۔