بلاول بھٹو زرداری نا ڈل اتون اوار مولانا فضل الرحمان تون اوڑدہی
Get real time updates directly on you device, subscribe now.
پشاور : چیئرمین پاکستان پیپلزپارٹی و وزیرخارجہ بلاول بھٹو زرداری چارشنبے نادے آ پیپلزپارٹی نا ڈل اتون اوار جمعیت علمائے اسلام نا مرکزی امیر مولانا فضل الرحمان نا آبائی ہنکین عبدالخیل اٹی وزیر مذہبی امور عبدالشکور نا کزیت آ اوڑتون ہڑزخواہی کرے۔ بنجائی وزیر قمر زمان کائرہ و وزیر مملکت فیصل کریم کنڈی ئسک ہم چیئرمین پیپلزپارٹی تون اوار ئسر۔ بلاول بھٹو زرداری و ڈل انا ایلو باسک آک مفتی عبدالشکور نا روح انا ثواب کن دعاپاتیا کریر۔ جے یو آئی ف انا راہشون مولانا ضیاء الرحمان پیپلزپارٹی نا ڈل ءِ عبدالخیل آ سرمننگ آ بخیرکرے۔ بلاول بھٹو زرداری مسکوہی صدر آصف علی زرداری نا خصوصی کلہو مولانا فضل الرحمان ءِ سرکرے اوڑدہی ٹی پاکستان تحریک انصاف تون حکمران سیوت نا مذاکرات نا بابت امور آ ہم شرہ مس۔
(اے پی پی)