ایران نا امریکی رکھ آتے اینک کننگ کن پاکستان آن کڑد ادا کننگ نا خواست

اسلام آباد( آن لائن ) ایرانی صدر حسن روحانی وزیراعظم عمران خان کن چٹھی اس نوشتہ کرینے ہراٹی امریکی رکھ آتے اینک کننگ نا بابت اٹ پاکستان ءِ تینا کڑد ءِ ادا کننگ نا خواست کننگانے۔ سفارتی کمامدار آتا رداٹ حسن روحانی چٹھی ٹی پاکستان آن کورونا تون مون تننگ کن کمک نا ہم خواست کرینے۔ حوال نا رداٹ کہ پاکستان ایران آن رکھ آتے چٹفنگ کن سفارتی کوشش آتے ترند کرینے او خواست کرینے کہ رکھ آتے زوت اس اینک کننگے۔ کمامدار آتا پاننگ ءِ کہ اسلام آباد تہران کمامدار آتا خواست جوان ردعمل نا درشانی ءِ کریسس۔ او پارینے کہ پاکستان نا کنڈآن کورونا نا تالانی ءِ توننگ کن ایران نا کمک ءِ ہم کننگا اوکان پد کمک راہی کننگ نا بابت سجفنگ انگ ءِ۔ سفارتی کمامدار آتا پاننگ ءِ کہ وزیراعظم در ملکی انٹرویو سے ٹی امریکہ آن ایران آن رکھ آتے چٹفنگ نا خواست کریسس۔ پاکستان ایران آن رکھ آتے اینک کننگ کن چُپ ءُ سفاتکاری و اُلسی خواست آتیان کمک ہلنگ اٹی ءِ۔ پاکستان نا ایران تون کمک کننگ اونا اصولی موقف نا بنداو ءِ۔