آبنائے ہرمز آ ایران و عمان نا معاہدہ کن ہُروک اُن، قطر

قطری وزارت خارجہ نا ترجمان ماجد الانصاری پارینے کہ خیرخواک امریکہ ایران مذاکرات آن مست ایران و عمان نا نیام اٹی اِرا کنڈی معاہدہ کن ہُروک ءُ، آبنائے ہرمز معاہدہ مننگ آن امریکہ ایران مذاکرات نا بحالی نا کسر آوار مریک۔ دوحہ ٹی پریس بریفنگ اٹی قطری وزارتِ خارجہ نا ترجمان پارینے کہ ایرانی پائلٹ آتا باندات آ ایران و قطر دراست رابطہ اٹی ءُ، ایرانی ڈل ءِ دورہ نا سلہ خلکنن ہرانا ایران داسکان ہچ ءُ ورندی اس تتنے۔ ترجمان پارینے کہ نن قطری دنگ اٹ جلہو کروک ایرانی جہاز آتے بٹین و پائلٹ آتتون ضابطہ نا رِداٹ کارروائی کرین، ایران تینا تہہ انا باندات آتے ٹی ننے اوار کپ۔