حکومت آک الس نارکھ وسلامتی کن پورو تندہی اٹ کاریم کننگ ءُ، فردوس اعوان

0

Get real time updates directly on you device, subscribe now.

اسلام آباد(اے پی پی) وزیراعظم نا خصوصی کمکار حوالکاری وشینکاری ڈاکٹر فردوس عاشق اعوان پارینے کہ ننے قومی جوزہ، سیوت وسخا تون اسہ ایلو نا احساس و خیال ءِ تخوئی ءِ، سلام پیش کینہ ہمو ڈاکٹر، نرس و طبی عملہ ءِ ہرا دا جوزہ تون خذمت نا عظیم مثال مننگ ُ۔ حکومت تینا زمواری تیان جوانی اٹ بلد ءِ، بنجائی و صوبائی حکومت آک و غٹ تعلقدار ادارہ غاک الس نا رکھ و سلامتی کن پورو تندہی اٹ کاریم کننگ ُ۔ پنچ شنبے نادے آ خصوصی کمکار ڈاکٹر فردوس عاشق اعوان تینا ٹویٹ اٹی پارے کہ ہربندغ نا زمواری ءِ کہ احتیاطی تدابیر آنئے بیرہ تینٹ عمل کیر بلکن تینا دامون ایمون نا خلقت نا جان جوڑی نا ہم خیال ءِ تخر، نن کرونا نا دَین آن قومی عزم اتون جنگ کروئی ءِ ، حوصلہ و پامداری اتون احتیاطی تدابیر آ عمل کروئی ءِ۔ اوپارے کہ مچی کروک آ جاگہ غاتیا ہنپبو، دوملفنگ آن توبو تینے، و اوفتے دم دم آ سلبو، چین نا الس ہرامثالی ڈسپلن و یکسوئی اٹ دادین اتون مون تسر داڑآن سبخ ملک کہ اجتماعی کہول آ کوشست کننگ آن دا وائرس آن جانءِ خلاص کننگ مریک۔

Get real time updates directly on you device, subscribe now.

Leave A Reply

Your email address will not be published.