نوشکے، یونیسیف و جانجوڑی محکمہ نا کنڈ آن پولیو نا بابت آگاہی سیشن

نوشکے، یونیسیف نا کمک اٹ محکمہ جانجوڑی نوشکے نا کنڈآن پولیو آن بچنگ و اونا چٹفنگ نا بابت شعور وآگاہی سیشن ڈی ایچ او دفتر نوشکے ٹی اڈ ہلک، ہراٹی ضلعی انتظامیہ، محکمہ جانجوڑی‘ یونیسیف، نیشنل پروگرام، میڈیا و جتا جتاتپہ غاتیان تعلقدار بندغ آک بشخ ہلکر، سیمینار آن تران کرسا ڈپٹی کمشنر جار اللہ کاکڑ، ڈسٹرکٹ ہیلتھ آفیسر و ڈپٹی ڈی ایچ او ڈاکٹر مشتاق مینگل پاریر کہ پولیو مہم ءِ سرسہب کننگ ننا کل انا بنداوی زمواری و قومی فرض ءِ، او پاریر کہ راج انا کل تپہ تا بشخ ہلنگ و کمک نا وسیلہ اٹ پولیو نا برخلاف برجا مہم ءِ بھرمی و سرسہب جوڑ کننگ مننگ کیک، ترانکار آک پاریر کہ نوشکے پولیو نا بابت ہائی رسک ضلع غاتے ٹی حساب مریک‘ ضلع نا سیمی وڑ و ایب کیب انا ضلع غاتیان ہن وبر پولیو وائرس نا تالان مننگ نا گڑتی تے ودفک، ہندا سوب آن پولیو آن بچنگ کن بھرمی گام گیج و لمہ باوہ غاتیٹی شعور ودی کننگ بھاز المی ءِ۔ (نامہ نگار)