صدر نا انڈونیشیا نا صدر، حکومت و الس ءِ آجوئی دے آ مبارکبادی

اسلام آباد، صدر مملکت آصف علی زرداری انڈونیشیا نا صدر پرابوو سوبیانتو، حکومت و الس ءِ اوفتا آجوئی دے آ مبارکبادی نا کلہو تسنے۔ ایوانِ صدر نا پریس ونگ آن جاری بیان نا رداٹ انڈونیشیا نا آجوئی دے آ تینا مبارکبادی نا چٹھی ٹی صدر مملکت آصف علی زرداری پارے کہ دا تاریخی ساہت انڈونیشیا نا الس نا جوزہ، استقامت و عزم اتون اوار اوار آجوئی نا جہد اٹ اوفتا قوم انا بانی راہشون تا سرکڑدہ ئی نا یات ترفک۔ صدر آصف علی زرداری پارے کہ پاکستان و انڈونیشیا نا نیام اٹ اسیجائی تاریخ، تین پہ تینی پت، اسیجائی عقیدہ و ہڑتوم آ کنڈ، علاقائی و جہانی کہول آ کمکاری آ تالان خڑکی و سنگتی نا تعلقداری جوڑ ءِ۔ او پارے کہ ہڑتوم آ ملک آک واپار، زرکاری، دفاع، جان جوڑی، تعلیم و السی رابطہ غاتتون اوار چندی بشخ آتیٹی کمکاری ءِ پدریسہ ودفیر۔ صدر مملکت دا پت انا درشانی ءِ کرے کہ تدوک آ سال صدر پرابوو سوبیانتو نا دورہ پاکستان آن ہڑتوم آ ملک آتا تعلقداری تے پوسکن ءُ جہت اس رسینگانے ہراڑان تین پہ تینی فائدہ ٹی کمکاری ءِ پین ودفنگ اٹ کمک رسینگک۔ او انڈونیشیا نا الس نا امن، شونداری و سوگوی کن نیک استخواہی تا درشانی ءِ کرے۔