حکومت پٹرولیم نہاد آتیٹی ودکی نا پڑو کرے، ڈیزل 31 روپئی و پٹرول 5 روپئی کبین مس
Get real time updates directly on you device, subscribe now.
حکومتِ پاکستان پٹرولیم نہاد آتا نہاد آتیٹی ودکی نا پڑو کرینے۔ پٹرولیم ڈویژن نا کنڈ آن جاری مروک آ اعلامیہ نا رِد اٹ ڈیزل نا نہاد اٹی 31 روپئی 5 پیسے فی لیٹر نا ودکی کننگانے ہراڑآن پد ڈیزل نا پوسکن آ نہاد 354 روپئی 35 پیسے فی لیٹر مس۔ ہنداوڑ پٹرول نا نہاد اٹی ہم 5 روپئی 44 پیسے فی لیٹر نا ودکی کننگا ہرا نا سوب آن پٹرول نا پوسکن آ نہاد 316 روپئی 15 پیسے فی لیٹر مس۔ پٹرولیم ڈویژن نا رِد اٹ پوسکن آ نہاد آتا نفاذ 18 جولائی نا نن 12 بجہ غان مس ہراکہ 20 جولائی اسکان برجا سلک۔