پبلک ویلفیئر ہسپتال سوئی نا ویل آتا ایسری کن گام گیج کینہ‘ کمشنر سبی ڈویژن

سبی : کمشنر سبی ڈویژن شاہد سلیم قریشی پبلک ویلفیئر ہسپتال سوئی نا دورہ ءِ کرے۔ او وخت آ بریگیڈئیر ریٹارڈ ایگز یگٹو آفیسر زبیر و ایلوفک ہم ساڑی ئسر۔ ایگزیکٹو آفیسر بریگیڈئیر زبیر کمشنر سبی ڈویڑن ءِ ہسپتال نا جتا جتا وارڈ آتا جاچ ءِ ہلفے۔ او آپریشن ٹھیٹر،گائنا لوجسٹ وارڈ،این آئی سی یو،میڈیسن اسٹور،ایکسرے روم،الٹراساونڈ روم نا جاچ ءِ ہلک و اسٹاف تون اوڑدہی کرے۔ او ہسپتال انتظامیہ نا کارکڑد آ اُست خواہی نا درشانی ءِ کرے۔ ہسپتال ءِ دوئی آ ویل آتیان کمشنر سبی ءِ معلومدار کننگا۔ ہرافتیٹی جوڑ مروک آ نیو بلاک نا فنڈ کم و ود مسہ کروڑ روپئی نا ریلیز، میڈیسن نا فراوانی نا کاختی و رضا کارانہ وڑاٹ کاریم کروک آ ڈاکٹر آتا تعیناتی نا ویل ءِ محکمہ جانجوڑی ٹی سلوک ءِ۔ دا ویل ءِ زوت اس ایسر کننگ نا گرج ءِ۔ کمشنر سبی ڈویڑن پارینے کہ دا کل ویل آتے ایسر کننگ نا ہروڑ نا کوشست ءِ کننگک۔

(خ ن)