رمضان ریلیف ءِ ودفنگ کن کوشست کننگ انگ ءِ‘ ڈی سی لورالائی

لورالائی : وزیراعلیٰ بلوچستان میر عبدالقدوس بزنجو نا پارت آتا روشنائی ٹی روچہ ٹی ڈپٹی کمشنر سوبان سلیم دشتی نا پارت آ غریب نادار آ بندغ آک مزور و خاص ءُ اہمیت اس تکسا اُلس اٹ کن خور نا گڑاتے بشخ و پانٹ کرے۔ راشن بشخ وپانٹ نا کاریم لیویزلاین لورالائی اٹ اڈ ہلک۔ اسسٹنٹ کمشنر لورالائی ظہور احمد بلوچ و تحصیلدار بوری ثناء اللہ لونی نا نگرانی ٹی کل بندغ آتیا راشن بشخ وپانٹ کرے۔ او وخت آ حقدار آ بندغ آتا کنڈآن وزیر اعلیٰ میر عبدالقدوس بزنجو نا دا گام گیج ءِ جوان نازیفیر۔ روچہ نا تو و عئید انا بننگ نا وخت آ حکومت نا کنڈآن غریب آتیٹی راشن بشخ وپانٹ کننگ اسہ جوان ءُ گام گیج اسے۔ غریب و نادار آ بندغ آتا اُرا تیٹی راشن نا فراوان آن اونا ویل آتیٹی کمتی بسنے۔ ڈپٹی کمشنر لورالائی سوبان سلیم دشتی پارینے کہ نن کوشست کینہ کہ رمضان ریلیف پین تالان مرے۔ تانکہ روچہ نا تو اٹ زیات حقدار آ بندغ و غریب آک حکومت گام گیج آتیان فائدہ ہرفر۔

(خ ن)