کرونا دین انا مون ءِ توننگ کن دو ہلپروئی تمک، زمرک اچکزئی

0

Get real time updates directly on you device, subscribe now.

چمن (آن لائن) پاک اوغان سیم آ ساڑی کروناوائرس نا توننگ کن جوڑ 720 تمبو تیا تالان قرنطینہ سینٹر نا صوبائی وزیرک دورہ ءِ کریر‘ صوبائی وزیر انجینئر زمرک خان اچکزئی و اے این پی نا صوبائی صدر اصغرخان اچکزئی تون اوار پی ڈی ایم اے نا ڈائریکٹر علی رضاکھوسہ دورہ کرے۔ قرنطینہ سینٹر نا دورہ غان گڈ ڈپٹی کمشنر نا دفتر اٹ کروناوائرس آن بچنگ کن احتیاطی تدبیرتینائی کننگ کن دیوان اڈ ہلک‘ دیوان اٹ صوبائی وزیر انجینئر زمرک خان اچکزئی، ایم پی اے اصغرخان اچکزئی، پی ڈی ایم اے نا ڈائریکٹر علی رضاکھوسہ، ڈی سی میجر (ر) ربشیراحمد، اسسٹنٹ کمشنر زکاءاللہ، قبائلی راہشون حاجی خدائے میر خان اچکزئی، اے این پی نا صوبائی پریس سیکرٹری اسد خان، گل باران، منورخان، حاجی جانان‘ قبائلی راہشون حاجی محمد صادق، انجمن تاجران نا صدر محمد صادق اچکزئی وایلو بندغ آک بشخ ہلکر۔

Get real time updates directly on you device, subscribe now.

Leave A Reply

Your email address will not be published.