شاداب خان ءِ ڈراپ کرسا فواد عالم ءِ شاغنگ کنے سمجھ بتو‘مائیکل وان

ساؤتھمپٹن (مانیٹرنگ ڈیسک) مسکوہی انگلش کیپٹن مائیکل وان پاکستانی کرکٹ ٹیم نا سلیکشن آ سوج کرسا پارینے کہ ارٹمیکو ٹیسٹ اٹ شاداب خان ءِ ڈراپ کرسا فواد عالم ءِ شاغنگ سمجھ اٹ بتو۔ 45 سال نا  مائیکل وان پارینے کہ اودے 34 سال نا  پلیئر ءِ یانزدہ سال آن پد شاغنگ نا فیصلہ سمجھ اٹ بتو ہرا روایتی وڑ اٹ پاکستان نا کنڈآن ممکن ءِ انتئے کہ تینا منفرد تیکنیک تون بال اتون مون تس ہراڑا بال اسہ انچ اس ہم پیری کے تو او آؤٹ مریک وخت اس کہ کنے دا جوان لگتو کہ دا فواد عالم ءِ شاغنگ نا جوان ءُ وخت اس ئس۔ او پاریسُس کہ ونڈرفل کرکٹر شاداب خان ءِ ڈراپ کننگ اودے جوان لگتو ہرا گمانی وڑ اٹ بروک وخت اٹ پاکستان نا کیپٹن ہم مننگ کیک انتئے کہ ہراتم شاداب خان آمبار انگا پلیئر انگلینڈ اٹ جوان رنز جوڑ کننگ آن بیدس لیگ اسپن باؤلنگ و لائخی تون اوار فیلڈنگ ہم کننگ کیک تو ولدا اونا ساڑی گری ٹی پین دیر نا گرج ءِ۔ پاکستانی ٹیم سلیکشن آ کنفیوز مائیکل وان مستی پارینے کہ او گارنٹی ایتک کہ شاداب خان وخت انا وخت اس فواد عالم آن زیات رنز جوڑ کننگ کیک وخت اس کہ اونا لیگ اسپن باؤلنگ کننگ و فیلڈر نا وڑاٹ کیچ ہلنگ و رن آؤٹ کننگ ہم اودے اسہ گچین ءُ گوازی گر اسے نا وڑ اٹ مون آ اتیک۔ ولے اودے بیدس سوچنگ سمجھنگ آن ڈراپ کننگا ہرانا ہچ ءُ جواز اس اف۔