ایرانی فوج دشمن نا بیدادی نا مون ءِ توننگ کن آجو ءِ، باقر قالیباف

ایرانی پارلیمنٹ نا اسپیکر محمد باقر قالیباف پارینے کہ ایرانی فوج ءِ دشمن نا بیدادی تون مون تننگ نا پورو آجوئی ارے۔ تینا بیان اٹی او پارے کہ ایران نا قومی سلامتی آبنائے ہرمز آ ایرانی بست و بند ءِ برجا تخنگ تون گنڈوک ءِ۔ باقر قالیباف پارے کہ امریکہ نا مسخت نظام ءِ پرغنگ تون اوار ایران نا ٹکر ٹکر کننگ ہم ارے۔ ننا کنڈ آ تینا واک و سوگوی آ سیبو کننگ آن بیدس ہچ ءُ وڑ اس اِلنگتنے۔ ایرانی پارلیمنٹ نا اسپیکر پارے کہ اگہ ایران ءِ مفاہمتی یادداشت آن ہچ ءُ فائدہ اس مفک تو ننا کنڈ آ داڑا عمل کننگ نا ہچ ءُ سوب اس ہم اف۔ اونا مستی پاننگ ئس کہ دا ریسہ غا مذاکرات نا مسخت سمجھوتہ کننگ اف، مذاکرات جنگ اتون اوار مزاحمت نا سُج پام و قومی فائدہ نا رکھ انا بشخ اسے۔