قومی اسمبلی ٹی اپوزیشن نا برانز، وزیر اعظم بے تران آن پدی ہنا
Get real time updates directly on you device, subscribe now.
اسلام آباد (مانیٹرنگ ڈیسک) قومی اسمبلی نا دیوان اٹی اپوزیشن نا برانز و نعرہ خلنگ آتیان پد وزیر اعظم عمران خان بیدس تران آن پدی ہنا۔ قومی اسمبلی نا جمعہ نا بیگہ تون بٹنگ انگوک ہلہلہ ئی دیوان اپوزیشن نا ہڑدڑ نا گواچی مس۔ حوال آتا رد اٹ حکومت نا دا حکمت عملی جلسہ غان چکار ءِ اینک کننگ کن ئس۔ ولے سرسہب مننگ کتو۔ وزیراعظم دیوان نا بنا مننگ تون ایوان اٹ سر مس، و او سلاہ ئی تران نا بابت پبی تیاری ہم کریسس، ولے اپوزیشن بینر ہرفسا برانز کرے۔ اپوزیشن نا ترند آ برانز آن پد وزیر اعظم تران کتو ایوان آن پد ہنا۔