زمان پارک اٹ ہڑدڑ‘ عمران خان وپارٹی ناایلو سرکڑدہ غاتیا مقدمہ درج
Get real time updates directly on you device, subscribe now.
لاہور : زمان پارک اٹ ہڑدڑ کننگ آ چیئرمین پاکستان تحریک انصاف عمران خان و پارٹی ناایلو سرکڑدہ غاتا برخلاف مقدمہ درج کننگا۔ مقدمہ ایس ایچ او تھانہ ریس کورس ریحان انور نا مدعیت اٹ درج کننگا‘ مقدمہ نا نمبر 410/23 ءِ‘ مقدمہ ٹی دہشت گردی تون اوار 20 ٹک اوار کننگانے۔ ایف آئی آر اٹ نوشتہ ءِ کہ تحریک انصاف نا سرکڑدہ و سَد آ کارندہ غاک عمران خان نا پاننگ آ بھلو ڈوہ کریر‘ پی ٹی آئی نا کارندہ غاک الس کن مشکل و فریشانی ودی کننگ ناسوب مسر۔ متن نا رد اٹ کارندہ غاک سرکاری میرات آتے نسخان رسیفیر‘ کارندہ غاتا جلہو اٹ ڈی آئی جی اسلام آباد تون اوار پولیس نا چندی کارندہ ٹھپی مسر۔ ایف آئی آر اٹ عمران خان و سنگت آتیا ڈوہی سازش نا ٹک آتے ہم اوار کننگانے‘ مقدمہ ٹی بلوہ، سمن ہلنگ آن نمنی و سرکار نا کاریم اٹ اڑاند مننگ نا ٹک آک اوار ءُ۔
(آن لائن)