پاکستان ڈیمو کریٹک موومنٹ لانگ مارچ ءِ ملتوی کرے

0

Get real time updates directly on you device, subscribe now.

اسلام آباد :  اپوزیشن سیوت پاکستان ڈیمو کریٹک موومنٹ (پی ڈی ایم) حکومت نا برخلاف لانگ مارچ ءِ ملتوی کرے۔ پی ڈی ایم نا سروک دیوان آن پد جمعیت علمائے اسلام و اپوزیشن سیوت نا سروک مولانا فضل الرحمان پریس کانفرنس کن بس۔ سیوت نا سروک میڈیا تون ہیت و گپ کرسا پارے کہ سروک دیوان اٹی نوازشریف، آصف زرداری، ڈاکٹر جمال الدین ویڈیو لنک نا کمک اٹ بشخ ہلکر، و دیوان نا ایجنڈا 26 مارچ نا لانگ مارچ نا بارو اٹ ئس۔ و پارے کہ لانگ مارچ تون اوار استیفہ غاتا بابت نہہ جماعت مخ تفی ءِ کریر، و پیپلزپارٹی ءِ دا رد اٹ گڑتیک ئسر۔ پی پی وخت خواہسنے کہ نن پارٹی نا سینٹرل ایگزیکٹو کمیٹی آ کانہ، و ولدا پی ڈیم ءِ تینا فیصلہ غان معلومدار کینہ۔ مولانا فضل الرحمان نا پاننگ ئس کہ نن پیپلزپارٹی ءِ وارخواہی تسنن و ننے اونا فیصلہ نا انتظار مرو، گڑا 26 مارچ نا لانگ مارچ پیپلزپارٹی نا ورندی اسکان ملتوی تکنگے۔ ہندا پڑو نا کننگ تون مولانا فضل الرحمان پریس کانفرنس ءِ نیمہ غا اِلا ہنا۔ یات سلے کہ اپوزیشن سیوت حکومت نا برخلاف 26 مارچ آ لانگ مارچ نا پڑو کریسس۔

Get real time updates directly on you device, subscribe now.

Leave A Reply

Your email address will not be published.