بجلی اڑزان مریک، وزیر اعظم
اسلام آباد (اے پی پی) وزیراعظم عمران خان قوم ءِ 74 می یوم آزادی آ مبارکباد ترسا پارینے کہ پاکستان ءِ اسلامی فلاحی ریاست اس جوڑ کننگک، زرگزران نا حالیت آک گچین مننگ نا بناءِ کرینو۔ و کورونا نا کیس آک ہم کم مسنو، اسٹاک مارکیٹ ریکارڈ بڑزاہنانے، تعمیرات و اوڑتون گنڈوک صنعت آتے تاریخی پیکیج تسن ہراڑان روزگار نا وارخواہی ودی مس و خراج وصولی ہم گچین مس۔ انشاءاللہ حالیت آک پین گچین مرسا کارہ۔ پاور کمپنی تتون مریس مذاکرات آن پد معاہدہ مسنے،داسہ صنعت و الس کن اڑزان بجلی دستیاب مریک، مچ آ پاکستان کشمیری تتون تفوک ءِ، اوفتا حق اکن دعا ہم کننگ ءُ و جہد ہم کیرہ۔ جمعہ نادے آ پاکستان ٹیلی ویڑن آ قوم انا پن تینا کلہو اٹی وزیراعظم عمران خان پارے کہ پاکستان قائد اعظم محمد علی جناح و علامہ اقبال نا عظیم تغ تا تعبیر ءِ۔ او پاکستان ءِ اسلامی فلاحی ریاست اس جوڑ کننگ خواہسرہ ہراٹی کانود نا بالادستی مرے۔ غٹ انسان تے بریبر حق دوئی مرے و ریاست اوفتا حق انا ضمانت ءِ ایتے۔