آجوئی نا قدر حقی جمہوریت تون گنڈوک ءِ، بلاول بھٹو زرداری

اسلام آباد ( آن لائن ) پاکستان پیپلز پارٹی نا چیئرمین بلاول بھٹو زرداری مچ آ قوم ءِ آزادی دے انا مبارکبادی ترسا پارینے کہ آجوئی نا قدر حقی جمہوریت تون گنڈوک ءِ، انسانی شرف مندی و انسانیت نا شونداری نا ضمانت ءِ جمہوریت آن بیدس پین ہچ ءُ نظام اس تف۔ آجوئی دے آ قوم نا پن آ تینا کلہو اسے ٹی بلاول پارے کہ ننا قوم نا ورناک آجوئی نا اہمیت و فائدہ غاتیان جوان معلومدار ءُ، پاکستانی قوم تینا آجوئی نا رکھنگ ءِ چاہک، ہرادے دا عزم تحریک آجوئی آن وراثت اٹ رسینگانے ، پاکستان نا تحریکِ آجوئی اسہ پر امن سیاسی جہد اس ئس قائداعظم نا کماشی ٹی ننا باوہ و پیرہ غاک بروک آ نسل آتا خاطرآن سامراج آتا زنجیر تے پرغاسُر تانکہ بروک آ نسل آتے جبر، مذہبی امتیاز و ہر وڑ نا زیاتی آن رکھوک کننگ کینہ ننا باوہ پیرہ غاک قربانی تسر تانکہ نن تینا عبادت، سلاہ و ایسوسئیشن نا آجوئی آ فائدہ ہرفنگ کین تانکہ نن ووٹ نا طاقت نا کمک اٹ حکومت آتا احتساب ءِ کننگ کین تانکہ ننے گچین وڑ اٹ انصاف رسینگے تینٹ احتساب کننگ زندہ انگا قوم تا نشانیک ءُ۔