کورونا نا تالانی ءِ توننگ کن الس بھلا عئید آ ایس او پی تیا عمل کے ،ڈاکٹر ظفرمرزا

اسلام آباد (اے پی پی) وزیراعظم نا خصوصی کمکار جان جوڑی ڈاکٹر ظفرمرزا شاری تیان خواست کرینے کہ او بھلا عئید آ ایس او پی تیا عمل کیر تانکہ کورونا وائرس نا تالانی ءِ توننگ مرے۔ تینا اسہ بیان اسے ٹی اوپارے کہ ننے بھلا عئید آ اسہ بھاز بھلو چیلنج اس مون تروک ءِ، بحیثیت قوم دا ننا غٹ انا زمواری ءِ کہ کورونا وائرس آن بچنگ کن رکھی گام گیج آتیا پورو عمل کین۔ اوپارے کہ لس شاریک ساہدار تا ہ? و تس کروک آ اسہ ایلو آن ہ? و تس اٹ جوان فاصلہ تخر، ساہدار تے تڑنگ نا وخت آ رکھی گام گیج آتا خاص خیال ءِ تخرو عئید انا نماز نا وخت آ ہم پورو ایس اوپی تیا عمل کیر، کوویڈ۔ 19 اسہ دَینی ءُ مرض اسے ہرا مچ آ دنیا ءِ تینا پلویڑ اٹ ہلکونے۔ اوپارے کہ رش انگا جاگہ غاتیا دا دین انا تالانی نا خطرہ ودک۔ ہنداخاطرآن پڑی تیٹی و عئید انا نماز اٹ رکھی گام گیج اختیار کننگ المی ءِ۔ اوپارے کہ بے گرج سفر کننگ آن پاناد کننگے۔ اوپارے کہ عئید انا شاپنگ ءِ ہم کچ اٹ کننگ المی ءِ۔ بازار تیٹی رش انا سوب آن کورونا وائرس اسٹ آن ایلو بندغ ءِ زہمی کننگ نا گڑتی ودک۔ عئید انا شاپنگ ءِ کم کننگے تانکہ کورونا وائرس نا ودنگ نا گڑتی تے کم کننگ مرے۔