پی ڈی ایم نا برانز اٹ پبی بشخ ہلینہ‘ پیپلزپارٹی نا پڑو

اسلام آباد : پاکستان پیپلز پارٹی پارینے کہ او سپریم کورٹ نا مون آ اینو پی ڈی ایم نا برانز اٹ پبی وڑ اٹ بشخ ہلیک، پیپلزپارٹی پنجاب اٹ گچین کاری تا بابت خواست کریسس کہ لارجر بینچ جوڑ کننگے‘السی حق آتے خلوک آتتون عدالت کمک کرے‘ اینو عدالت پسند و ناپسند نا فیصلہ کننگ اٹی ءِ‘ عدالت آن سوج کینہ کہ ہمو سوب آک انت ئسر کہ دزگیری ءِ غیرکانودی گوندنگا‘ پی ٹی آئی نا بندغ آک تینا لیڈرشپ ناپاننگ آ سرکاری و فوجی ملکیت آتیا جلہو کریر‘ آرمی ملکیت آتے نسخان رسیفنگ آ بایدے آرمی ایکٹ 1952 انا رد اٹ کارروائی کننگے۔ سپریم کورٹ بیرہ داخس کتو کہ عمران خان ءِ تاحیات وزیراعظم ڈکلیئر کتو‘ عاشقی کٹاوکانود با تس، ایگزیکٹو آن خواست کینہ کہ عمران خان نا مہمانداری نابل ءِ چیف جسٹس آ راہی کننگے او بل ءِ ایتے۔ دا خیال آتا درشانی ءِ پیپلز پارٹی نا سیکرٹری جنرل سید نیئر حسین بخاری، پیپلزپارٹی نا بنجائی ترجمان فیصل کریم کنڈی و پیپلز پارٹی نا جنرل سیکرٹری حسن مرتضی اسک اسیجا پریس کانفرنس آن تران کرسا کریر‘ داوخت آ پیپلز پارٹی نا چیف میڈیا کوآرڈینیٹر نزیر ڈھوکی و راجہ نورالہی ہم ساڑی ئس۔

(آن لائن)