نصیر آباد ڈویژن اٹ 9 اپریل آن احساس پروگرام نا بنا کننگانے، کمشنر
Get real time updates directly on you device, subscribe now.
کوئٹہ : تاریخ اٹی اولیکووار حقدار آتے ٹی حکومت نا کنڈآن غٹ آن زیات زر بشخنگ نا مرحلہ برجا، 9اپریل آن 13اپریل اسکان نصیر آباد ڈویڑن اٹی کمشنر عابد سلیم قریشی نا چاروکی ٹی 20108حقدار آتے ٹی 24کروڑ 12لکھ 96ہزار روپئی بشخنگانے و دا اولیکو مرحلہ ترندی اٹ برجاءِ ، سرجم حوال آتارداٹ نصیر آباد ڈویڑن نا حقدار بندغ آتے ٹی حکومت نا کنڈآن زر بشخنگ نا مرحلہ ترندی اٹ برجاءِ اولیکو مرحلہ ٹی احساس کفالت پروگرام نا رداٹ نصیر آباد ڈویژن نا چندی تحصیل علاقہ غاتےٹی احساس یونٹس جوڑ کننگانے ہراڑے حقدار آتے ٹی داوخت اسکان بھلو زر اس بشخنگانے ڈویڑن نا غٹ ضلع غاتے ٹی الس نا مشکل آتے مون آ تخسا بھلو کچ اسے ٹی احساس سینٹر جوڑ کننگانے تانکہ مرمر انگا علاقہ غاتیان بروک آ حقدار آتے مشکل آتیان نجات ملنگ کے نصیر آباد ڈویڑن نا پنچ ضلع غاتیان داوخت اسکان دوئی مروک آ رپورٹ اٹی نصیر آباد نا ڈپٹی کمشنر حافظ محمد قاسم کاکڑ نا رداٹ ضلع نصیر آباد اٹی الس ءِ زر انا دوئی کننگ ءِ پین آسان جوڑ کرسا چار سینٹر جوڑ کننگانے ہراڑے حقدار آتے زر فراوانی نا چرجوئی داسکان برجاءِ۔
(اے پی پی)