عمران خان نا کانود نا خلاف ورزی تا ورندی ءِ تروئی تمک، بلاول بھٹو

اسلام آباد : وزیر خارجہ بلاول بھٹو زرداری پارینے کہ عمران خان ناخیال ءِ کہ اوڑا ملک انا اسہ کانود اس ہم لاگو مفک‘ عمران خان وار وار آ کانود نا خلاف ورزی ءِ کرے ہراڑکن اودے ورندی تروئی تمک‘ اسہ انٹرویو اسے ٹی بلاول بھٹو زرداری پارے کہ کنا خاہوت و پارٹی ڈکٹیٹر شپ تون مون تس‘ عمران خان تکنگ ءِ کہ اوڑا ملک انا کانود آک لاگو مفسہ۔ اوپارے کہ عمران خان ءِ عدالت آتے ٹی بٹنگک او پیش مفک او تینے بچفنگ کن کارندہ غاتے پولیس نا مون آ سلیفینے۔ بلاول بھٹو پارے کہ پاکستان ءِ مون آ دننگ کن مریس وختی ڈٹ بندی کروئی تمک‘ ننے موسمیاتی بدلی‘ غریبی‘ زرگزرانی حالیت آتیا سجفوئی تمک‘ او دا ہم پارے کہ پاکستان ءِ زرگزرانی‘ سیاسی و سکیورٹی نابابت چیلنج آک مون تروک ءُ۔ اوغانستان و ڈیہہ انا سکیورٹی نابابت گام گیج کننگ نا گرج ءِ۔

(آن لائن)