کوئٹہ شار اٹی بلڈنگ کوڈ نا خلاف ورزی ءِ توننگے، سہیل بلوچ

کوئٹہ: کمشنر کوئٹہ ڈویژن سہیل الرحمن بلوچ نا کماشی ٹی کوئٹہ شار و ہیب کیب اٹ بلڈنگ کوڈ آ عملدرآمد کننگ و دوئی مروک آ ویل آتا ایسری نا بابت اٹ بڑزکو کہولی دیوان اس اڈ ہلک۔ دیوان اٹ ایڈیشنل کمشنر کوئٹہ ڈویژن سعید احمد دمڑ،ایڈمیسٹرٹر میٹرو پولیٹن کارپوریشن عبدالجبار بلوچ،اسسٹنٹ ڈپٹی کمشنر ریونیو کویٹہ نثاء ماجبین،اسسٹنٹ کمشنر پولیٹیکل کوئٹہ ڈویژن بابر خان آن بیدس کیو ڈی اے، ڈسٹرکٹ کونسل و ایلو ادارہ غاتا افسرک ساڑی ئسر۔ دیوان آن کمشنر کوئٹہ ڈویژن تران کرسا پارینے کہ کوئٹہ شار اٹ بلڈنگ کوڈ،پارکنگ و غیر کانودی بلڈنگ نا جوڑی نا بابت اٹ ہر ممکن گام گیج ہرفنگے۔ انتئے کہ بلڈنگ کوڈ نا برخلاف جوڑی آن بھلو ویل ودی مننگ اٹی ءِ۔ ہرانا سوب آن شار انا حالیت و اُلس کیہی ویل آتا گواچنی ءِ۔ وخت اس کہ دا کل ویل آتے جوان وڑاٹ ایسر کننگے۔ او پارینے کہ شار انا ہننگ اٹ پک کارپوریشن بھلو وخت اس مریک۔ وخت اس کہ شار اٹ بلڈنگ کوڈ آ عملدرآمد کننگ کن گام گیج کروئی تمک۔ ہراڑان زوت اس دا ویل آتیان خلاسی دوئی مرے۔ شار اٹ ودوک آ ٹریفک و ہجوم نا اہم سوب داوڑ نا بلڈنگ آک ءُ۔ ہرافتا پارکنگ اف او نہ اوفک پارکنگ کن جاگہ اس جتا کرینے داڑان بیدس مچ آ شار اٹ شونداری کاریم برجا ءِ۔ و بروک آ پوسکن آ دے بلڈنگ جوڑ کننگ انگ ءِ۔ ولے داسہ اربن پلاننگ و ڈیزائن کمیٹی جوڑ کننگانے۔ وخت اس کہ داوڑ نا کل بلڈنگ آک جوڑ مننگ اٹی ءُ۔ او داوڑ نا کل بلڈنگ ہرافتا جوڑ کننگ کن موکل دوئی مسنے۔

(خ ن)