گوادر ننا نہادی آ میرات ءِ، شار و شاری تا شونداری ءِ اولیت ایتنہ، وزیر اعلیٰ

کوئٹہ: وزیر اعلیٰ بلوچستان میر عبدالقدوس بزنجو پارینے کہ گوادر ننا نہادی آ میرات ءِ، گوادر و اونا بندغ آتا شونداری ءِ اولیت ایتنہ، اونا شونداری ننا حکومت نا سوگو پالیسی نا اہم ءُ بشخ اسے۔ سیمی واپار نا بنا غان او جاگہ نا مخلوق نا زرگزران نا وڑک شون ہلیرہ۔ وزیر اعلیٰ پارے کہ وزیراعظم عمران خان نا کنڈ آن گوادر نا ویل آتا نوٹس ہلنگ بھاز ستا کڑزوک ءُ ہیت اسے۔ وزیراعظم نا چکار کننگ آن گوادر نا بنجائی حکومت نا بابت ویل آتا ایسری ہم پک مننگ کیک۔ دا ہیت آتے او میر حمل کلمتی نا کماشی ٹی بی این پی نا پارلیمانی ڈَل اتون اوڑدہی نا وخت آ ہیت و گپ کرسا کرے۔ او پارے کہ ننے گوادر نا الس و اونا فائدہ غاک بھاز دوست ءُ۔ تینا مسکوہی دور حکومت اٹی ہم گوادر شار انا شونداری ڈٹ آتے گوادر ڈویلپمنٹ اتھارٹی نا شونداری پروگرام اٹ اوار شاغاٹ۔ہراتم آن ننا حکومت بسنے، ننا مچ آ چکار گوادر نا شونداری نا کنڈ آ ارے۔ شونداری ڈٹ آتا پوروی نا کمک اٹ گوادر نا الس ءِ دیر بجلی و ایلو بنداوی آسراتی تے فراوان کینہ۔ او پارے کہ گوادر ننا نہادی آ میرات ءِ، گوادر و اونا بندغ آتا شونداری ءِ اولیت ایتنہ، اونا شونداری ننا حکومت نا سوگو پالیسی نا اہم ءُ بشخ اسے۔ وزیر اعلیٰ پارے کہ غیر کانودی ٹرالنگ نا آخبتی بنداو آ چٹفنگ نا کمک اٹ نا وڑ اٹ ہندی مخلوق ءِ روزگار تننگک، و اوفتا حق آتا رکھ ءِ کننگک۔او پارے کہ سیمی واپار نا بنا غان او جاگہ نا مخلوق نا زرگزران نا وڑک شون ہلیرہ۔ وزیر اعلیٰ پارے کہ وزیراعظم عمران خان نا کنڈ آن گوادر نا ویل آتا نوٹس ہلنگ بھاز ستا کڑزوک ءُ ہیت اسے۔ وزیراعظم نا چکار کننگ آن گوادر نا بنجائی حکومت نا بابت ویل آتا ایسری ہم پک مننگ کیک۔ بنجائی و صوبائی حکومت آک اسیجائی لائحہ عمل اسے نا رد اٹ گوادر نا شونداری و او جاگہ نا الس نا شونہالی ءِ پک کیرہ۔