خیبر پختونخوا ٹی ایمرجنسی آن پدبھلو برانز اسے نا حوال ملتنے، دانیال چوہدری

اسلام آباد، پارلیمانی سیکرٹری حوالکاری و شینکاری بیرسٹر دانیال چوہدری پارینے کہ خیبر پختونخوا ٹی ایمرجنسی نافذ مننگ آن پد نئے تو بھلو برانز اس نظر بس و نئے سڑک آتیا ہمو جنگ و جھیڑہ نظر بس ہرانا تاثر تننگ نا کوشست کننگاکہ، وخت اس کہ اوڑان چپ مخلوق ءِ یومِ تشکر اڈتننگ، مٹھائی بشخنگ و ہڑدے ئی زند ءِ برجا تخنگ نا حالیت اٹ خننگا۔ سے شنبے نادے آ سوشل میڈیا ویب سائٹ ”ایکس“ آ تینا بیان اٹ او پارینے کہ پاکستان تحریک انصاف (پی ٹی آئی) نا سوشل میڈیا ڈغاری راستکی تے کیدنگ کپننگ اٹی ءِ ہندا سوب آن جعلی ویڈیو تالان کرسا الس ءِ گمراہ کننگ و حالیت آتے بھاز بڑز پیش کننگ نا کوشست آک برجاءُ۔