پاکستان ٹینس فیڈریشن ”کلین اینڈ گرین پاکستان” مہم نا رداٹ نیال تخنگ مہم نا بنا ءِ کرے
Get real time updates directly on you device, subscribe now.
اسلام آباد (مانیٹرنگ ڈیسک) پاکستان ٹینس فیڈریشن (پی ٹی ایف) حکومت نا ”کلین اینڈ گرین پاکستان” مہم نا رداٹ تدوک آ دے پی ٹی ایف ٹینس کمپلیکس اٹ نیال تخنگ مہم نا بنا ءِ کرے۔ دا مہم پی ٹی ایف نا صدر سلیم سیف اللہ خان نا پارت آ بنا کننگا۔ پی ٹی ایف نا کنڈآن جاری تفصیل آتا رداٹ نیال تخنگ مہم نا بنا پاکستان نا ٹاپ انٹرنیشنل گوازی گر اعصام الحق، پاکستانی نمبر ون عقیل خان، مزمل مرتضیٰ، محمد شعیب، ماہین آفتاب، حامد اسرار و ڈیوس کپ نا مسکوہی گوازی گر عاصم شفق اسک کریر۔ پی ٹی ایف انتظامیہ و کمامدار آک ہم پی ٹی ایف ٹینس کمپلیکس اٹ نیال تکار۔ اعصام الحق او وخت آ بروک آ یو ایس اوپن گرینڈ سلیم ٹورنامنٹ نا تیاری کن اسلام آباد اٹ ساڑی ءِ او پی ٹی ایف کمپلیکس اٹ عقیل خان و ایلو پنی آ قومی گوازی گرتتون اوار این ٹی سی ٹی ٹریننگ دوئی کننگ کن اسہ ہفتہ اسکان ہنداڑے رہنگک او ٹریننگ دوئی کننگ اٹی ءِ۔ او وخت آ پی ٹی ایف نا صدر سلیم سیف اللہ و ایگزیکٹو کمیٹی اعصام و ایلو گوازی گرتے بخیر کریر و اوفتے پاکستان ٹینس کن بھاز گچین پن کریر۔ انتئے کہ حکومت نا کنڈآن COVID-19 دَین آمبار انگا ناجوڑی تیٹی آرام آن پد کل ٹاپ گوازی گرک اسہ بھلو وخت اسے آن پد ولدا ٹینس ءِ بنا کرینو۔