انگلینڈ ءِ ورلڈکپ نا سرسہب کرفوک آ گوازی گر تپاخت کرے

لندن (مانیٹرنگ ڈیسک) انگلینڈ ءِ ورلڈ کپ اٹ سرسہبی تروک آ پنی آ فٹبالر و آئرلینڈ نا مسکوہی کوچ جیک چارلٹن ہم کزیت کرے۔ اسہ کنڈ آ کورونا وائرس نا ہلوک آ دَین ایلو بشخ آتا وڑ گوازی نا دنیا ٹی ہم بھسکاری کرسا ءِ تو ایلو کنڈآ کیہی پنی آ گوازی گرتا تپاخت کننگ شیدائی تے فریشان کرینے۔ اینخو کیہی گوازی گرک دنیا غان رخصت کریر، اوفتے ٹی انگلینڈ نا پنی آ فٹبالر جیک چارلٹن ہم اوار مسنے۔  ہرا انگلینڈ نا سویل دے ٹِک علاقہ قطبی برلینڈ اٹ تینا باوہ پیرہ ئی آ اُرا ٹی 85 سال نا وہی اٹ کزیت کرے۔ آیئر لینڈ نا مسکوہی کوچ و انگلینڈ نا ورلڈ کپ ونر فٹبالر نا کزیت آ انگلینڈ نا ٹیم ٹوئٹ نا کمک اٹ تینا غم نا درشانی ءِ کرے۔ یات سلے کہ جیک چارلٹن 1966ء اٹ مروک آ ورلڈ کپ ٹی جرمنی ءِ ودوک آ وخت اٹ 4-2 اٹ بے سہب کرسا ورلڈ کپ انگلینڈ نا پن آ کریسُس۔ برطانوی فٹبالر 1965ء آن 1970ء اسکان انگلینڈ کن 35 میچ گوازی کرے و 1967ء اٹ او انگلینڈ نا سال نا جوان انگا فٹ بالر گچین کننگاسُس۔