انصاف رسینگ اسکان گچین کاری خواپنہ، مریم نواز

تانکہ نواز شریف تون انصاف مفک، گچین کاری تا فائدہ اف، ترازو نا ہڑتوم آ پلّہ غاتے بریبر کرسا پگہ غا گچین کاری کرفنگے،ہچ ءُ سیاسی جماعت اسے نا بے شرفی ءِ سگپرہ، چیف آرگنائزر مسلم لیگ (ن)

0

Get real time updates directly on you device, subscribe now.

شیخوپورہ : مسلم لیگ (ن) نا چیف آرگنائزر مریم نواز پارینے کہ نوازشریف ءِ انصاف رسینگ اسکان مسلم لیگ (ن) گچین کاری خواپک‘ ترازو ناہڑتوم آکنڈآتے بریبر کننگے ولدا اسُل پگہ گچین کاری کرفنگے۔ قوم تا زند آتے ٹی مشکل وخت آ بریرہ کارہ‘ سرکڑدہ غاتا زند اٹ امتحانک بریرہ ولے ہرا قوم ءِ مشکل اٹ گٹ کرسا تینے ڈکے اودے لیڈر آخا عمران خان پارہ، پارٹی کارندہ غاتا جوزہ ستا کڑزک‘نیاڑی تا کنونشن اٹ بھلو کچ اسے ٹی بشخ ہلنگ ستاکڑزک۔ نوازشریف مشکل وخت آتتون مون تس‘ نوازشریف الس ناچنا و نیاڑی تا پد اٹ تینے ڈکتو‘ مریم نا پرورش ءِ نواز شریف و کلثوم نواز کرینو‘ ہرافک کنے جابر حکمران تا مون آ کلمہ حق پاننگ ہیل تسنو۔ شیخوپورہ ٹی مسلم لیگ (ن) نا تنظیمی ورکرزکنونشن آن تران کرسا مریم نواز پارے کہ کنا شیرک پابو اخس سخت ءُ وخت نوازشریف آ بسنے مگہ پین کس آ بسنے ولے نواز شریف خلتو‘ او الس ءِ لٹ وکٹ مننگ کن تنیا الیتو‘ او مسڑ تون اوار عدالت آتا مون آ پیش مس و پارے کہ الس آخا نوازشریف قربانی ایتک‘ مشرف نا دوراٹ و تدوک آ پنچ سال اٹ ظالم حکمران و اوفتا کمکار آک اسہ پیج آ ئسر ولے نوازشریف ولدا ہم خلتو و اسہ وار ہم پاتو کہ کنے جان آ خطرہ ءِ‘ ای معذور اٹ۔ نوازشریف سوگو آعزم اتون سخت انگا وخت اتون مون تس او الس نا چنا و نیاڑی تا پد اٹ تینے ڈکتو۔ او پارے کہ نوازشریف اسحاق خان ءِ پاریسس کہ ای ڈکٹیشن ہلپرہ‘ بد انگا بیر ہلنگ آن پد ہم نواز شریف لندن آن تینا مسڑ نا دوٹی ہلسا شیر آنبار دزگیری تننگ کن بس‘ نوازشریف ءِ سما ئس کہ مقدمہ غاک دروغ ءُ‘ ہرافتا فیصلہ ءِ اوفتا کمکار آک کرینو ولے ولدا ہم نوازشریف دوسَد آن زیات پیشی تس‘ تینا زائیفہ ءِ لندن اٹ سکرات آ الا و عمران خان داڑے تینے کٹ انا کیرغ آن ڈکسا غریب آتا چنا‘ لمہ ایڑھ تے سڑک آتیا ایس۔

(آن لائن)

Get real time updates directly on you device, subscribe now.

Leave A Reply

Your email address will not be published.