پسنی ٹی وزیراعلیٰ بلوچستان میر سرفراز بگٹی نا وژن نا رِد اٹ السی ویل آتا ایسری کن اہم ءُ دیوان اس اڈ ہلک
Get real time updates directly on you device, subscribe now.
گوادر / پسنی، وزیراعلیٰ بلوچستان میر سرفراز بگٹی نا وژن و صوبائی حکومت نا پالیسی نا رِد اٹ الس ءِ بنداوی آسراتی تا فراوانی و اوفتا ویل آتا دمدستی ایسری کن صوبائی اسمبلی نا باسک مولانا ہدایت الرحمن بلوچ نا ساڑی گری ٹی اسسٹنٹ کمشنر پسنی خسرو دلاوری نا چاروکی ٹی چندی محکمہ غاتا کارکڑد و السی ویل آتتون تعلقدار جم دیوان اڈ ہلک۔ دیوان اٹی کل تعلقدار محکمہ غاتا افسر آک بشخ ہلکر و تینا تینا محکمہ غاتا کارکڑد، برجا گام گیج و الس ءِ مون تروک ویل آتابابت بریفنگ تسر۔ دا وخت آ تران کرسا صوبائی اسمبلی نا باسک مولانا ہدایت الرحمن بلوچ افسر آتے پارت کرے کہ السی ویل آتا ایسری ٹی ہچ ءُ وڑ اسے نا ہُرے کننگ و ڈیوالئی اسُل سگنگ مفک۔