پی سی بی نا ڈومیسٹک سیزن کم کپننگ نا فیصلہ

0

Get real time updates directly on you device, subscribe now.

لاہور (مانیٹرنگ ڈیسک) پاکستان کرکٹ بورڈ کووڈ 19 نا سوب آن ڈومیسٹک کرکٹ سیزن کم کپننگ نا فیصلہ کرینے۔ ڈائریکٹر ہائی پرفارمنس ندیم خان پارینے کہ رکھوک آ گام گیج آتون اوار مچ آ ڈومیسٹک کرکٹ سیزن کرفنگ نا کوشست کینہ، ایلو ملک آتا مقابلہ ٹی ننا ملک اٹ کرکٹ تون گنڈوک آ بندغ آتا معاوضہ غاک بھاز کم ءُ، ہندا سوب آن ننے انا پام ءِ تخوئی ءِ۔ او پارینے کہ اگہ میچ آک کم مریرہ تو اوفتا آمدنی کم مریک ہراکہ ساڑی حالیت آتیٹی مناسب اف، ننے اوفتا احساس ءِ ہندا سوب آن میچ آتے کم کپنہ تانکہ اوفتا آمدنی کم مف، گوازی گر میچ آفیشل و ایلو بندغ آتے مالی ویل آتون ہچ ءُ وڑ اسے ٹی گنڈنگ خواپنہ۔ ندیم خان پارینے کہ گوازی تا سرگرمی تے بنا کننگ کن بائیو سیکیور ءُ چاگڑد اس درکار ءِ، او دا بابت اٹ ہوم ورک ءِ پورو کننگانے، ہراڑے دا اولیت تننگ کہ مچ آ سیزن کرفنگے تو اوڑدے ہم اولیت ارے کہ جانجوڑی آ ہچ ءُ سمجھوتہ اس کننگپک۔ او پارینے کہ گوازی تون گنڈوک آ ہر ہر بندغ نا جانجوڑی ءِ اولیت ایتنہ، گوازی آخا ہر بشخ ٹ ایس او پی تیا عمل درآمد آسان سلتو، ہندا سوب آن داسہ کل بائیو سیکیور جوڑ کینہ تو ویل آک تو مریرہ، دا کل آسان تو مفک ولے داڑان بیدس ہچءُ گزران اس ہم اف۔ ڈائریکٹر ہائی پرفارمنس پارینے کہ گوازی گرک، کوچ آک، میچ ریفریک، امپائرک، اسکوررک و گراؤنڈ اسٹاف نا کووڈ 19 ایس او پیک و بائیو سیکیور ماحول نا بابت اٹ سیشن تخنہ، ہرافتا چِر ءِ زوت اس بنا کننگ انگ ءِ، ننا زمواری ءِ کہ نن کل انا جانجوڑی نا خیال ءِ تخن۔

Get real time updates directly on you device, subscribe now.

Leave A Reply

Your email address will not be published.