بلوچستان اٹ سوردریابی پیداوار آن فائدہ ہرفنگ نا بھلو وارخواہی ارے، جام کمال
Get real time updates directly on you device, subscribe now.
کوئٹہ:وزیراعلیٰ بلوچستان جام کمال خان پارینے کہ بلوچستان نا بھلا کرک و سوردریابی پیداوار نن تون ہندن ءُ نہادی ءُ میرات ءُ، ہرافک سہی وڑ اٹ کاریم اٹ اتنگر تو کرک نا علاقہ غاتیٹی روزگار نا وارخواہی و زرگزرانی سرجز آتیٹی ودکی کننگ مریک۔ دا ہیت آتا درشانی ءِ او فشریز سیکٹر نا شونداری ڈٹ آتا پیشرفت نا جاچ دیوان آن تران کرسا کرے۔ کورونا وائرس نا رکھی گام گیج آتا رد اٹ دیوان ویڈیو لنک نا کمک اٹ اڈ تننگا۔ چیف سیکرٹری فضیل اصغر ایڈیشنل چیف سیکرٹری ڈٹ بندی و شونداری سیکرٹری خزانہ و سیکرٹری ماہی گیری تینا دفتر آتیان دیوان اٹ بشخ ہلکر۔