مچ آ ملک اٹی کورونا وائرس نا پک انگا کیس آتا کچ 5478مس
Get real time updates directly on you device, subscribe now.
اسلام آباد : نیشنل کمانڈ اینڈ آپریشن سینٹر نا کورونا وائرس نا بابت پوسکن آ حساب وکتاب نا رداٹ مچ آ ملک اٹی کورونا وائرس نا پک انگا کیس آتا کچ 5478مسنے۔ تدوک آ 24گھنٹہ ٹی 246پوسکن ئُ کیس رپورٹ مسنے۔ نیشنل کمانڈ اینڈ آپریشن سینٹر نا حساب وکتاب نا رداٹ پنجاب اٹی 2ہزار 656، سندھ اٹی اسہ ہزار 452، خیبر پختونخوا ٹی 744، بلوچستان اٹی 231وخت اس کہ آزاد جموں و کشمیر اٹی 40کیس رپورٹ مسنو۔ جم وڑاٹ 51درسد کیس ایلو ملک آتیان بس و 49درسد ہندی وڑاٹ تالان مس۔ حساب وکتاب نا رداٹ داوخت اسکان اسہ ہزار 95ناجوڑ مچ آ ملک اٹی دراخ جوڑ مسنو و 93بندغ زوال کرینو وخت اس کہ تدوک آ 24گھنٹہ ٹی 4بندغ کورونا وائرس نا سوب آن زوال کریر۔ مچ آ ملک انا 587ہسپتال آتے ٹی جوڑ کورنٹائن ہند آتے ٹی ناجوڑآتا درمان برجا ءِ۔
(اے پی پی)