ڈپٹی کمشنر سیوی نا کماشی ٹی یومِ آزادی نا دود آتا بابت دیوان
Get real time updates directly on you device, subscribe now.
سیوی، ڈپٹی کمشنر سیوی میجر (ر) الیاس کبزئی نا کماشی ٹی یومِ آزادی 14 اگست نا رد اٹ ضلع سیوی نا اسکول آتیٹی خصوصی دود آتا اڈ تننگ و بست وبند آتا رد اٹ دیوان اڈ ہلک۔ دیوان اٹی یومِ آزادی نا دود آتے شرف و قومی جوزہ اٹ اڈ تننگ کن جتا جتا باندات آتا جاچ ءِ ہلنگا۔ دیوان اٹی ایس ایس پی سیوی عبدالحمید، اسسٹنٹ کمشنر سیوی منصور علی شاہ، اسسٹنٹ کمشنر بختیار آباد میر بہادر خان بنگلزئی، ڈسٹرکٹ ایجوکیشن آفیسر عبدالستار لانگو، ڈپٹی ڈسٹرکٹ ایجوکیشن آفیسر سیوی طارق الماس، ڈپٹی ڈسٹرکٹ ایجوکیشن آفیسر لہڑی لیاقت علی لغاری تون اوار ایلو تعلقدار افسر آک بشخ ہلکر۔ دا وخت آ ڈپٹی کمشنر سیوی میجر (ر) الیاس کبزئی محکمہ تعلیم نا افسر آتے پارت کرے کہ مچ آ ضلع نا اسکول آتیٹی 14 اگست نا رد اٹ خصوصی دود، ملی نغمہ، تران‘ ٹیبلو و ایلو قومی و ربیدگی پروگرام آتا اڈ تننگ ءِ پک کننگے۔