چیئرمین سینیٹ نا پِر و نوکاپی دیر غاتیان نسخان آ است ہسونی

اسلام آباد (اے پی پی) چیئرمین سینیٹ محمد صادق سنجرانی بلوچستان تون اوار ملک انا چندی علاقہ غاتیٹی پِر و نوکاپی دیر تا سوب آن مروک آ نسخان تیا است ہسونی نا درشانی ءِ کرینے۔ سینیٹ سیکرٹریٹ نا کنڈآن جاری بیان نارداٹ او زہمی تتون یکجہتی نا درشانی ءِ کرسا پارے کہ مشکل نا داساہت اٹ اوفتے تنیا الیپنہ۔ چیئرمین سینیٹ بنجائی و صوبائی حکومت آتیا زور شاغاکہ بے اُرامروک آ بندغ آتا دادرسی کن ہروڑنا گام گیج کننگے و ہرا علاقہ غاتا رابطہ ملک انا ایلو بشخ آتیان کشکنگانے اوفتا بحالی کن جوان گام گیج کننگے۔ دارداٹ چیئرمین سینیٹ ایوان بالا نا کنڈآن داوڑنا وخت آتیا ہلہلہ ئی گام گیج کننگ نا تاریخ ءِ تالان کرے و پارے کہ بنجائی اکائی تا نمائندہ ایوان ہر مشکل ساہت اٹ تینا ایلم تتون تفینو۔ چیئرمین سینیٹ الس آن خواست کرے کہ زہمی علاقہ غاتیٹی ریلیف آپریشن ءِ ترند کننگ کن ادارہ غاتون تفر تانکہ زہمی خاہوت آتے دمدستی ریلیف فراوان کننگ مرے۔