نواز شریف تون حال حوالی مننگ نا ہیت آک راست افس‘جہانگیر ترین

اسلام آباد (آن لائن)پاکستان تحریک انصاف نا سینئر راہشون جہانگیر ترین پارینے کہ کنا نواز شریف تون ہچ ءُ رابطہ اس متنے و نئے دن کننگ نا ارادہ ارے۔ درو ہم عمران خان تون اوار ئسٹ و اینو ہم اوار اُٹ۔ نوازشریف تون اوڑدہی نا بابت اٹ مسکوہی وزیر اعظم و مسلم لیگ (ن ) نا میڈیا سیل بے کاٹم ءُ خبر تالان کننگ اٹی ءِ۔ میڈیارپورٹ آتا رداٹ جہانگیر ترین نواز شریف تون اوڑدہی نا افواہ تے بابت ہیت کرسا تینا بیان اسے ٹی پارینے کہ میڈیا نا خبرک چلینگ انگ اٹی ءُ کہ ای نواز شریف آ اوڑدہی نا کلہو رادہ کرینٹ۔ ہراٹی ہچ ءُ راستکی اس اف۔ کنا نواز شریف تون ہچ ءُ رابطہ اس اف۔ شریف خاہوت نا برخلاف عمران خان تون اوار ملسا کوشست کریٹ دُن ءُ ہیت اسے سوچنگ ہم کپرہ۔ جہانگیر ترین پارینے کہ ڈُب ہلوک آ کشتی نا بچفنگ کن کنا کوپہ ءِ کاریم اٹ اتپبو۔ درو ہم وزیراعظم عمران خان تون اوار ئسٹ و اینو ہم اوار اُٹ۔ اینو ہم اونا وژن تون اوار سلوک ءُ۔ عمران خان اسہ ایماندار ءُ لیڈر اسے۔ کل اپوزیشن اواری ٹی ہم اونا مقابلہ ءِ کننگ کپسہ۔ او مستی پارینے کہ نوازشریف تون اوڑدہی نا بابت اٹ مسکوہی وزیر اعظم و مسلم لیگ (ن) نا میڈیا سیل بے بنداو ءُ خبر تالان کننگ اٹی ءِ۔ کنا کوشست ہندا مریک کہ ای تحریک انصاف اٹ سلو، یات سلے کہ تدوک آ دے مسلم لیگ ن نا سینیئر راہشون رانا ثناءاللہ نواز شریف و جہانگیر ترین نا حال احوال کننگ ءِ پک کریسُس، او پارینے کہ جہانگیر ترین و نواز شریف نا نیام اٹ اوڑدہی نا بابت اٹ رانا ثناءاللہ پارینے کہ داٹی ڈائریکٹ اوڑدہی متنے وخت اس کہ منہ بندغ نا کمک اٹ ہڑتوم آتا نیام اٹ حال احوال ضرور مسنے۔