بلوچستان کن خزانہ ڈویژن نا 4 برجا و پُوسکن آ ڈٹ آتیکن 2000 ملین روپئی جتا
Get real time updates directly on you device, subscribe now.
اسلام آباد ( آن لائن ) بنجائی حکومت اینخو مالی سال 2020-21ءنا بجٹ اٹ سرکاری شعبہ نا شونداری پروگرام (پی ایس ڈی پی) نا رداٹ بلوچستان کن خزانہ ڈویژن نا 4 برجا و پُوسکن ءُ ڈٹ آتیکن 2000.647 ملین روپئی جتا کرینو۔ خزانہ ڈویژن نا کمامدار آتا رداٹ خزانہ ڈویژن صوبہ بلوچستان اٹ 4 برجا و پُوسکن آ ڈٹ آتیکن 2000.647 ملین روپئی جتا کرینے۔ دافتے ٹی کیڈٹ کالج خاران نا برجا انگا ڈٹ آتا شونداری کن 349.647 ملین روپئی جتا کننگانے وخت اس کہ ڈٹ آ کل 1209.990 ملین روپئی نا خرچہ بسنے۔ گوادر ڈویلپمنٹ اتھارٹی نا برجا انگا ڈٹ آتیکن 800 ملین روپئی جتا کننگانے وخت اسکہ ڈٹ آ کل 2500 ملین روپئی خرچہ بریک۔ گوادر سیف سٹی نا جاری انگا ڈٹ آتیکن 600 ملین روپئی جتا کننگانے وخت اس کہ ڈٹ آ کل 2269 ملین روپئی نا خرچہ بریک۔