سردار عبدالرحمن کھیتران نا سیشن کورٹ آن ضمانت منظور
Get real time updates directly on you device, subscribe now.
کوئٹہ : صوبائی وزیر سردار عبدالرحمان کھیتران نا سیشن کورٹ رکھنی 10 لکھ روپئی نا مچلکہ غاتا عیوض اٹ ضمانت ءِ منظور کرے‘ جمعہ نا دے بارکھان سیشن جج رکھنی شجاع احمد نا عدالت ضمانت نا درخواست نا سماعت ءِ کرے‘ پک شاہدی رسینگ پننگ آ سیشن عدالت سردار عبدالرحمان کھیتران نا ضمانت ءِ منظور کرے‘ ایڈووکیٹ منظور رحمانی پارے کہ سردار عبدالرحمان کھیتران آ شاہد آتا کنڈآن خلوک اسہ دوبہ اس ہم پک متو وخت اس کہ شاہد آک کل دوبہ غاتے غفور شاہ‘ سلام شاہ و رؤف شاہ غا خلکر۔ سردار عبدالرحمان کھیتران آ دفعہ 344 خلنگا ہراڑا سیشن عدالت 5 پنچ لکھ روپئی نا مچلکہ جمع کرفنگ نا پرمان کرسا ضمانت ءِ منظور کرے۔ سردار عبدالرحمان کھیتران سانحہ بارکھان خان محمد مری نا خاہوت ءِ برمتہ کننگ و 2 چنا تون اوار مسہ بندغ نا خون نا کیس اٹ پولیس نا بندی ءِ۔
(آن لائن)