گوہنگوک مارکوک پدی بتوس، طالب علم تنظیم آتا ولدا برانز نا پڑو

کوئٹہ: جامعہ بلوچستان نا طالب علم آتا گوہنگ انگ نا باندات تننگوک وخت چٹانے، ہراڑان پد طالب علم آتا پدی اتنگ کن برانز کروک آک اسہ وار ولدا برانز نا چرجوئی ءِ بنا کننگ ان پڑو کرینو۔ سرجم حوال آتا رد اٹ تدوک آ دے کوئٹہ پریس کلب اٹ طالب علم تنظیم آتا راہشونک پریس کانفرنس کرسا پاریر کہ گوہنگوک آ طالب علم آتا داسکان پد رند ءِ خلنگتنے،ایہن طالب علم آتا پدی بننگ اسکان جامعہ بلوچستان ءِ بند کننگ نا نوٹیفکیشن ہم جاری کننگانے، و داسہ جامعہ بلوچستان نا انتظامیہ ایم بی بی ایس نا امتحان تا ڈیٹ شیٹ ءِ ہم جاری کرینے، ولے نن داس امتحان تا بائیکاٹ ءِ کینہ۔ جامعہ بلوچستان نا انتظامیہ معاہدہ نا خلاف ورزی ءِ کننگ اٹی ءِ۔ اوفک پاریر کہ رزاک آ طالب علم آتے خار اٹ اتنگ انگ ءِ۔ پریس کانفرنس نا وخت آ اوفک پاریر تانکہ طالب علم آک بفسہ یونیورسٹی ءِ ملنگ و ہچ ءُ وڑ اسے نا امتحان تا کرفنگ کن الیپنہ۔