حکومتی بنچ آتیان جنسی بیداد کروک آتے پاہو تننگ نا سلاہ

اسلام آباد(آن لائن) وزیراعظم عمران خان کراچی ٹی کودک آ چنا مروہ و لاہور موٹروے آ نیاڑی تون بیداد نا واقعہ نا نوٹس ءِ ہلکنے۔ وزیراعظم عمران خان لاہور موٹروے آ نیاڑی تون اونا چنا تا مون آ ڈنگ آتا بیدادی نا وقعہ غا آئی جی پنجاب انعام غنی ءِ دوبہ دار آتے دزگیر کننگ نا پارت کرے۔ وخت اس کہ وزیر اعظم کراچی ٹی کود آ چنا مروہ تون ہم بیدادی کننگ آن پد کسفنگ نا واقعہ نا نوٹس ءِ ہلک۔ حوالی تا رد اٹ وزیر اعظم تون بنجائی وزیر دیری وسیلہ فیصل واوڈا اوڑدہی کرے، اوڑدہی ٹی ملک انا ساڑی سیاسی و سیکورٹی حالیت آتیا ہیت و گپ کننگا۔ فیصل واوڈا کراچی و لاہور موٹر وے آ پیش بروک واقعہ غاتے وزیر اعظم نا مون آ تخا، و ڈوہدار تے پاہو تننگ کن کانود اس اتنگ نا خواست کرے۔ دا وخت آ وزیر اعظم پارے کہ مہذب راج آتیٹی دا وڑ انا واقعہ غاک شکی گری اسے ءُ۔ ڈوہدار تے ہندن سزا تننگے کہ بروک آتے سبخ رسینگے۔ دا وڑ انا واقعہ غاتے سگپنہ۔ او پارے کہ کانود نافذ کروک ادارہ غاتے دوبہ دار آتا دزگیری نا ٹاسک تننگانے۔ وزیر اعظم دوبہ دار آتے سخت سزا ترفنگ کن متا ماری کننگ نا پارے کہ انسانی حق آتا رکھ اکن ہر وڑ انا گام گیج کننگک۔