کوئٹہ، جتا جتا واقعہ غاتیٹی مسہ بندغ زوال کریر

کوئٹہ (اے پی پی) کوئٹہ نا علاقہ شیخ ماندہ ٹی کاریم کننگ نا وخت آ کرنٹ لگنگ آن اسہ بندغ اس زوال کرے، پولیس نا رداٹ کوئٹہ نا علاقہ شیخ ماندہ ٹی کاریم کننگ نا وخت آ کرنٹ لگنگ آن اسہ بندغ اس زوال کرے، ہرانا لاش ءِ ہندی ہسپتال آ مون تننگا، داکان بیدس ڑوب کوئٹہ روڈ کاکڑ ٹاون نا خڑک بس اسے نا ڈوک لگنگ آن عزیز اللہ پنی ءُ ورناس زوال کرے، ہرانا لاش ءِ ہسپتال آ گدرفینگا مستی کارروائی برجاءِ۔ ہنداوڑ اسہ پین واقعہ اسے ٹی کوئٹہ نا علاقہ ہزارہ ٹاون اٹ کاریم کرسا کرنٹ لگنگ آن اسہ بندغ اس زوال کرے ہرانا لاش ءِ بی ایم سی ہسپتال آ گدریفنگا ہرانا درستی راستی عزیز احمد نا پن اٹ مسنے۔